උදෑසන රැස්වීම

පන්ති පෙලට පිළිවෙළට සියල්ලෝම එක ලෙසට රැස් වූ උදෑසන රැස්වීම, ප්‍රධාන ගුරුතුමිය, අංශභාර හා පන්ති භාර ගුරු භවතුන්ගේ සහභාගිත්වයෙන් පැවැත්විණි.

එක යායට පිපුණු මල් කැකුළු මෙන් ළමෝ පෙළට සිටියහ. කඩිගායෙන් දගලන පොඩිඋන්, එකට එකාට උසුළු විසිළු කරත්, තවෙකෙක් පණුවන් මෙන් බිමහාරත්, තමාගෙම හීනයක උන් එකෙක් හදිසියෙන් අවදිව පියවි සිහියට එත්.

එදිනට නියමිත ඉදිරිපත් කිරීම් සදහා නම් කලඋන් බිත්තර තම්බති, තමාටම මුමුණති, ගැසෙති, දහඩියෙන් නැහැවෙති. කෙසේ මෙය අහවර කරන්නේදැයි සිතති. වෙව්ලමින් අරඹන මුත් දැහැනේ උච්චතම අවස්තාවකට ප්‍රසාංගය රැගෙනයත්.

ප්‍රසංග මංගල්‍යයක සිරිගත් එහි අයෙක්
වැඩසටහන් විස්තර කල අතර තවෙකෙක් විස්තර විචාරය කලහ, නාට්‍ය කණ්ඩායමෙන් පසු පැමිණෙන්නේ ගීත කණ්ඩායමයි. අවසානයේ ප්‍රධාන ආචාර්ය තුමියගේ ඔවදනින් වැඩ කටයුතු  අවසන්වේ.

මම නැවත පාසල් ගියෙමි, ඒ දෝනියන්දගේ හපන් කම් බැලීමටය. එහෙත් මම මගේ පාසල් කාලයට මොහොතකට පිවිසියෙමි.

සුන්දරත්වය ඉහවහා ගියේය, ළමුන්ගේ කතා, ගීත අවසන උපදේශන කතාවෙන් වැඩ අවසන් විය, ඒ කාලයේ මෙන් මමද මුළු හදවතින් ම එයට සහභාගි වීමි, අවසානයේ ජාතික ගීයද ගැයීමු.
අන්තිම මොහොතේ ආග්‍රහනයවූ අධෝ වාතයෙන් පාසල් රැස්වීමේ අද්දෑකීම සර්ව සම්පූර්ණ විය.

කටුසටහන!

Cloning

If there is a facility To clone humans, i would copy my self.
Then it could allow me to be at multiple places and do things.
In one word
Multitasking!
A unbelievably funny word.
Capability of performing different tasks.
Funny thing is the time factor is forgotten,
Then the multitasking doeset have a meaning, yet expected.

Any given time anything can perform only one defined basic task faliure to understand basics fail your self.

Multitasking overload the system,
How does it compansate?
Inertia and The stored energy
Required additional resources for overloading will be given by stored energy.

Inertia is reluctance to change, which is  also energy that balances the system. To restore the initial condition it requires external energy addition.

Continious overloading beyond tolerable limits will result in either immediate breakdown or fatigue faliure,
Where inertia is lost and stored energy is drained.
Whats left is useless blackhole which drains all thats around it.

May the leaders undestad it!

වැස්ස #3

වැසි දිය කඩිති පැන යන පොඩිඑකා දුටුවිට,
සිහිවුනේ කෙරූ රග පොඩි කාලයේ මට,

ඇදවැටිණි වැසි පෙර පාසල නිමවන්නට
නෙල්ලි ගෙඩි තරම් වූ වැසිකැට,
පොළොව හාරා දුඹුරු පැහැයට
මිදුල්, පාර පුරා දෝරෙගලා ගියේ පහලට

කුඩ සිහිනොවිණි
වැස්සද අඩුවන ළකුණු නොමවිණි
පාසලද නිමවිණි
පැනෙනෙ මම මිටින්හල කුරුල්ලකු මෙනි.

පාර පුරා
වීදි සිසාරා
සිසුන් පීරා
මම උනෙමි මඩ ඌරා

කදු පල්ලම් පසුකරමින්
යහළුවන් හා අගරදගර කරමින්
වතුර ගලනා කානු ඇතුලින්
ගෙදර ඇදුනා හරක් රැලමෙන්

පියා උගන්වන පාසලට
බට හැටියෙ ගොඩනැගිලි අසලට
වහ වහා සොයා වතුර කරාමයට,
සේදුවා දුඹුරු කමිසය සුදුමවන්නට

වේලෙන්නට දමා කමිසය පිටු පස්සේ
හතිඇරියා පන්ති දොරකඩ බිස්සේ
වටේ උන් සිසුන්ගෙ කසුකුසු  අස්සේ
පියා ආවයි දුටුවමා තරහගැස්සේ

මා කල දෙය අසා ඒ සොදුරු හිතේ
ආදරය කරුණාවමයි හටගත්තේ
සෝදා වේලා තිබූ කමිසය ගහේඅත්තේ
අන්දවා සිනහවෙන් මා උණුහුමට ගත්තේ

ජාතිය

සිංහල ජාතිය මුල සිටම අභාවයට ගියේ වෙන කිසිකෙනෙක්ගේ බලපෑමකින් නොවේ, ජාතියම ඊට කෙලවීය.

පෙර කාලයේ සිටම විවිධ ඉන්දීය ආක්‍රමණය පැවතුනත්, සංස්කෘතික හා ජාතික වශයෙන් දැඩි බලපෑමක් එල්ල වූ ආක්‍රමණයවූයේ පෘතුගීසින් විසිනි.
බලයට හා මතට ලොල් වූ අපේ මුතුන් මිත්තෝ ටිකටික පැත්ත මාරුකලහ, කෙසේ කීවත් එය මුල්ම පාවාදීමකි,
එහිදී වූ ත්‍රස්තවාදී හා මානවහිමිකම් කවවීම් අමතක කල නොහේ.
ආක්‍රමණයට විරුද්ධව නෑගීසිටි දේශමාමකයින් රාජ්‍යවිරෝධීන් විය.

විජයබා කොල්ලයෙන් කෙලවාගත් සිංහලයා ඉන්පසු ඉගුරු දී මිරිස් ගත්තේය.
ලන්දේසියා ඊට එහාවිය, උගෙන් ගැලවීමට කොක්ක ගැසුවේ රටේම මළගමටයි, ඒ ඉංග්‍රීසීන් සමගයි.
කාගේහෝ පැවැත්ම වෙනුවෙන් කල ඔලමොල තීරණ ටිකෙන් ටික රට ජාතිය විනාසයටම ගෙනගියේය.

ජාතියේම උන් උන්ටම විනකෙටීය,
කැප්පෙටිපොළ නිළමෙ කැරැල්ලට සූදානම් වනවිට මොල්ලිගොඩ නිළමෙ තම බලප්‍රදේශයේන් ඉංග්‍රීසීන්ට මග සාදාදුනි, ඒ ඉංග්‍රීසීන් හා තිබූ හිතවත්කමට නොව කැප්පෙටිපොළ නිළමෙ හා තිබූ නෝක්කඩුව නිසාය.
මෙය අදටත් පෙරට වඩා දරුණුම අයුරිනි සිදුවේ,

මට හිතෙන විදිහට මේ ජාතියට තව අවුරුදු 50 කට වඩා ආයුකාලය නොමැත,
එහි අවසන් පුරුක දැන් ගැලවී ඇත.

කටුසටහන අවසන්!!!

ඒ දණ්ඩ

පණ්ඩ්තයාට ඒදණ්ඩේ යන්න බැරිය!
පරණ සිංහල කියමනකි.
ඇත්තටම පණ්ඩ්තයාට ඒදණ්ඩේ යාමට නොහැක්කේ;
පණ්ඩ්ත දැනුම නිසාද
ඇත්තම මෝඩකම නිසාද
අධික පණ්ඩ්ත කම නිසා මෝදු වුනු මෝඩකම නිසාදැයි,
හරිහැටි නිශ්චය කරගැනීම ප්‍රායෝගික අවස්තා ඒහා ගැලපීමේදී මදක් අසීරුය.
නමුත් අවසානයේ සිදුවන්නේ එගොඩ වීම වැලකීමයි.
එය පණ්ඩ්තයාට කම් නැත, තවතවත් ඊට හපන් පණ්ඩ්ත වැඩ කිරීමටත්, අනාගත් දෙය ගැන වරුණ රැගත් පණ්ඩ්ත කාරනා කිවහැකිවීමත් නිසයි.

පණ්ඩ්ත කම හේතුවෙන් සිදුකරන ඔලමොට්ටාල වැඩෙහි සීමාවක් තිබිය යුතුය,
එසේ නොමැති වූකල ඒදණ්ඩ කඩාදමා අනෙක් උන්ටත් විනකොටන්නට පිළිවන.
බොහෝවිට සිදුවන්නේ එයයි,
ඒදණ්ඩ කොටඋඩ ගියවිට පණ්ඩ්තයා අන්ත්‍රස්දහන වන්නේ, වටේ හිටියවුන් ලෝක අමාරුවක දැමීමෙන් පසුවය.
නැවත වරක් මේ පණ්ඩ්තයා පිරිස අතර පැමිණෙන්නේ වීරයකු මෙන් වෙනත් බාල්දියක්ද එල්ලාගෙනය.
ලැජ්ජාව ඇගේ මයිලකවත් නැති පණ්ඩ්ත ගොයියා නැවතත් වින කොටනු ඇත.
මෝඩයා මෙල්ල කිරීමට පොල්ලට බාරදී,
පණ්ඩ්තයා මෙල්ල කිරීම කාලයට බාරදී හිදිමු.

කටුසටහන!

යටගියාව

අතීතය,
අවසන්ය; මතකයක් පමණි.
අනාගතය,
එළැඹ නැත; සිහිනයක් පමණි.
වර්තමානය,
අතමානයේය; මොහොතක් පමණි.

කාලාත්‍රයේ කිසිදු මොහොතක
පියවි සිහියකින් සිට නොමැත,
වර්තමානයේ නූන් අපි,
මතකයේ හෝ සිහිනයේ සැරිසරා ඇත.

මතකයන් අමතකව,
සිහිනයන් බොදව,
එළැඹි සිහි නොමැති නම්,
අන්දමන්දවනු ඇත.

මොහොතක වරුණ,
නොම දැනුණ,
මෝහයෙන් වැසීගත්,
සිත් සතන්,
කාගේනම් පිළිසරණද,
නොතේරුණු ඒ දැනුම,
ලැබේවා!!! සැම දනන් හට.

කටුසටහන!

ඔබ මම

මට  තරහවිය,
ඔබ රතුවිය,
අපි හමුවිය,

මට වැඩ විය, සිහි නොවිය,
ඔබ ඉගෙනුමට උනන්දු විය,
ඉගෙනුම අතර අප මිතුරුවිය,

කල් ගෙවිය,
මිතුදම වැඩිවිය,
ආදරය මතුවිය.

මට ඕනෑවිය,
ඔබට එපාවිය,
මම ඔබේ විය,
ඔබ මගේ නොවීය.

මිතුදම වෙනස්විය,
ඔබ මගේ විය,
මම ඔබේම විය,

බොහෝ සොදුරු විය,
කුඩා ගැටුම්විය,
අප දුරස් විය,
හදින් තවත් ලංවිය.

විටින් විට හමුවිය,
හමුවීම උතුම් විය,
වෙන්වීම එපාවිය,
අවසන පිළිතුරු නොවිය,

කාලය ගෙවිය,
අප එක්විය,
අප අපේ විය,
මාද ඔබම විය,
ඔබද මා විය,

කැදල්ල එක්විය,
දෙක තුන විය,
නිදි නැතිවිය,
හැඩුම අනර්ගවිය,

තුන හතර විය,
දිවිය සොදුරු විය,
අප තවත් ලං විය!

King

If you want to care for customers like kings,
Treat your employees like
Prince &
Princess,
Because only prince & princess know what is like to be
a King or a Queen

Departure

I wanted to leave,
I thought of going,
I dreamt of giving up,
I actually beged for death.

I was circulating in same though,
In a closed box,
No way out,
Just I was about to give up;

I remembered,
I have things to do,
There are loans to  pay,
People to meet.

I realized,
My time has not come yet,
Giving up is not the solution,
Facing is.

සින්ඩරෙල්ලා

නැටුමට අත්වැලක් පමණක් වූ,
සින්ඩරෙල්ලාගේ කුමරා,
සද්ද නැතිව සාම්ප්‍රදායික පන්නයට,
කුමරියක තෝරයි.

අහෝ! කේදයකි,
මධ්‍යම රාතියේ,
දොලහේ කනිසමට,
මිරිවැඩි අතහැර,
කුමරිය ඝණාදුරේ සැගවීයයි.

කුමරියක නොවී,
මෙහෙකාරියක වූ ඇය,
නර්තනයන් කුමරියක සිරි ගත්‍තාය,
නැවත හිටතැන උන්නාය.

සිහින රැයේ කුමරියක වී,
සොදුරු රැයේ කුමරියක හමුවී,
ක්ශණයකින් වෙන්වී,
දෙතැනකට වී හිදී,
තම ඉරණම එසේ වන්නට දී.

සින්ඩරෙල්ලාගේ දිවිය වටා ගෙතුනු,
දිගහැරුමේ,
කුමරාට ඉඩ ඇතිනම් ඒ,
අත්වැලක් වීමට පමණි.
ඔහු ඇයට අත්වැලක් වීද?
ඈ ඔහුට අත්වැලක් වීද?
කතාව ඉදිරියට යායුතුය.

සැමන්

පොඩි කාලයේසිට සැමන් කෑමට මගේ දැඩි පෙරේතකමක් තිබේ.
සුදු බත් සමග සැමන් රජ බොජුනකි.
සැමන් ලෙස හදුන්වන්නේ ටින් භාජනයක ඇසුරුම් කල මාළුවේ.
මේ සැමන් හා සබැදුනු අතුරු කතා බොහොමයකි.
පොඩි කාලේ ගෙදර සැමන් පරිභෝජනය ඉතා දුර්ලභවිය. එය එසේ වීමට එහිවූ නුගුණ හේතු විය, පියාගේ අදහස වූයේ ටින් කිරීමේදී එක් කරන රසායනිකයන් ශරීරයට ඉතා අහිතකර බවයි. එයට උදාහරණය මාළු ඇතුලේ විය, මාළු අස්ථි මොලොක් වී ඇති අයුරු දැකීමෙන් ඒවා කන අපේ අස්ති අස්තාන ගතවීම මොනවට පැහැදිලිවේ.
මගේ සැමන් කෑම සන්සිදෙන්නේ ආච්ච් අම්මා බලන්න ගියවිටය. ගිය විගස ඇගේ ප්‍රධාන කාර්යය වන්නේ විස්තර  අසා ඊලගට මා කඩේ යැවීමයි.
ඒ සැමන් ටින් එකක් ගෙනඒමටය.
දහවලට ලැබෙන්නේ අපේ කුඹුරෙ වී පෙලා ගත් බත් සමග සැමන් මාලුවයි,  කටට දැනුත් කෙල උනනවා.
සැමන් කොහොමත් විශේෂ අවස්තා සදහා ඉදිරියෙන්ම ඇති තේරීමකි. මුහුදෙන් ඈත කදුකරයේ ගම්මානයේ අමුත්ත්න් සදහා පිළියෙළ කලහැකි, පහසුවෙන් ලබා ගැනීමට ඇති නිසා මාංශ ආහාරයක් ලෙස පිලිගැන්වීමට බොහෝ ගෘහණියෝ පෙළඹෙත්.
ඈත ගමනක් යනවිට පිළියෙළ කරන ව්‍යැන්ජන අතර සැමන් ව්‍යැන්ජනය පෙරමුණ ගනී, අනෙක්වා වන්නේ වේලුමට සෑදූ පරිප්ප හා කොල මැල්ලුමකි. කෙසෙල් කොල වල එතූ ඒ බත්මුල අමෘත රසය.
සැමන් කෑමේ පෙරේතකම නිසා අකරතැබ්බයන්ට මුහුණ දීමටද සිදුවිය.
විශ්වවිද්‍යාලයේ විභාග කාලයක උදේ හවස සැමන් ව්‍යැන්ජන කෑවෙමි.
ඉන් පසු ආවේ නොනවත්වා සිදුවූ බඩඑළිය යාමයි.
දහවලට කෑ විගස වැසිකිළියට දිව ගියමි.
තත්පරයෙන් කොටස් වලින් බේරුණ අවස්ථා බොහෝවිය,
ඖෂධ මගින් ද ගුණයක් නොවූ එය සනීප වූයේ ගෙදර ගිය පසුය.
සැමන් ටින් එක්ක ඇත්තටම  සැමන් මාළු නැත, ඇතොත් ඇත්තේ මැකරල් වර්ගයේ උන්ය.
දැන් දැන් අලවියට තබා ඇති ටින් හි ඇති වර්ගය හිතාගැනමත් අපහසුය.
පෙර චිලී රටෙන් ගෙනා සැමන් ටින් දැන් ලංකාවේදී ද නිපදවේ. එය හොද ප්‍රවනතාවයකි,
රස, ගුණ හා උසස් තත්වය තිබේදයි සැක සහිතය,
බඩේ රුදාව නිර්දේශිතය!

අතීතය

අතීතාවර්ජනය,
නැතිතැන ඇතිලෙස,
හිත හිරකල,
පසුගිය මතකය.

ගෙවුනු අතීතය,
නැවත නොඑනලෙස,
ඈතින් ඈතට නැවත නොපෙනෙන ලෙස,
වැසී ගොස් ය කාලයේ වැලිතලාවෙන්.

කාන්සියට,
මහන්සියට,
යටගියාව,
හිත ඇතුලට.

සිතින් පමණක්,
මතකයේ පිහිනමින්,
කාලය කාදමා,
අතක විය අද දිනය.

පෙර දිනයක,
සිදුවූ ඒ අහඹු සිදුවීම,
දුක් දෙයක්ද
සතුටු හැගීමක් ද,
දැන් සිතට දැනී දැනෙන්නේ
සොදුරු මතකයක් පමණි.

සිතට වහල් වී,
මතකයට යටවී,
මේ සොදුරු මොහොත,
අමිල බව් අමතකය.

අතීතය අවසන්විය,
අනාගතය තවම පැමිණ නැත,
අතීතයෙන් ඉගෙනගෙන,
අනාගතයට පියමැණීමට,
අද දිනයේ ජීවත් වන්න.

කෑම

සුපිරි බොජුන් හලකි,
ගමේ පරසිද්දය,
රටේ කෑම සපිරිය,
සේවාව නම් අප්පිරියය.

ඉල්ලපුවා එකම රසය,
වෙනසකට ඇත්තේ එහි නමය.
හොද්දෙත් සුප් එකෙත් පාට එකය,
ආවේ මක්කදැයි හිතෙන්නේ එවිටය.

කාලා අහවරය,
දැන් පැය බාගෙත් අවසන්ය,
බිල ලියන්නට මෙතරම් ප්‍රමාදය,
ගාන දුටුවිට ඇස් උඩබ්මය.

ආයෙත් නොකරමි මෙතරම් මෝඩ වැඩ,
ඇති උනත් කෙතරම් බඩෙහි ඉඩ,
මේ ඇති ටික දොහක් කරන්න ඩයට් බඩ,
යමි ගෙදරම උයාගෙන කා පිරෙන බඩ.

Happier

All these things
I hold on to,
Pulls me in different directions
One another, each falls apart,
If I dont grab on to.

Nothing seems to be in order,
More I rearrange more untidy.
keep on stick to
More pain

I guess I ll be happier
With if I let go.

All the frustration,
Unrealistic time lines,
activities linked each other,
Unfinished business,
What causes more.

I guess i ll be happier
If i just ignore.

ඉතිරිකිරීම

ඉතිරි කිරීම පොඩි අවදියේ සිටම ප්‍රගුණ කරවීමට ඒ කාලයේ සිටම දෙමව්පියෝ පියවර ගත්හ.
ඉතිරි කිරීම් කීසැනින් සිහිවන්නේ මුදල් ඉතිරි කිරීමයි,
අප වරද්දා ගත්තේ එතැනවේ.

ඉතිරිකිරීමෙහි ඇති ගුණාත්මක බව මුලින්ම උගත්තේ මව් ගෙනි.
ඒ ඈට ලැබුණු උපදෙසකිනි,
වෙන කාගෙන්වත් නොව මගේ ආච්චි අම්මා ගෙනි.

මුල් කාලයේ මුදල් අඩුවක් වූ අවස්තාවකදි මුදල් දී පවසා ඇත්තේ
පුතේ, ඊලග මාසයේදි වියදමට මේ මුදල නොමැති බවයි,
එ නම් ණය බේරූ පසු ඉතිරිවන්නේ සොච්චමකි.
ආච්චී නොකියා කීවේ සකසුරුවම් කමේ අගයයි, එය ඉතිරි කිරීමෙන් ඔබ්බට ගිය ක්‍රියාවලියකි.

අම්මා ඉතිරි කලේ මුදල් පමණක් නොවේ, හාල් මිටමිට මුට්ටියක්ට දැම්මේ පමණට හාල් තිබී නොවේ.

පියා ඉතා වෙහෙස මහන්සිවී මුදල් හම්බ කිරීමේ නියැළුණද, ඔහුගේ සැබෑම ධනය ඉගෙනුම ලැබූ සිසු පරපුරයි.
එසේ ගත් කල් අප උපයන්නේ මොනවාදැයි සිතේ.

පමණ ඉක්මවා වියදමත්,
නොගැලපෙන ජීවන රටාවත්,
නුහුල්ලන ණය ප්‍රමාණයත්,
අද සමාජය හොල්ලන රුදුරු ත්‍රස්තයින් ය.

මිල මුදල ඉස්සර කරගත් බොහෝ දෙනා
මිලමුදල්ම පසුපස හඹා යයි.
ඉතිරිකිරීමේ සැබෑ අරුත,
සකසුරුවමේ අගය,
නැවත නැවතත් ප්‍රචලිත කිරමට කාලයයි මේ!!!

පොසොන් දන්සල්

මෙය නොලියාම බැරිය,
හොදදෙය හොදය,
නරක දෙය නරකය.

හොදදෙය කරන විට නොගැලපෙන දේ
එක්කිරීම කිරිකලයට ගොම දැමීමකි.

නිමිත්ත:-
කොල්ලො කට්ටියක් කල බීම දන්සැලකි,
ඔවුහු එකාමන් එකතුවී සැරසිලිකරති,
හවස් කොරේ දන්සැල සැලසුම්‍ ය
දන්සැලේ පීකර් දමා ඇත.
මහා ඝෝෂාවක් සමග එමිනෙම් කෑමොර දෙනු ඇසිණි.

නයිට් ක්ලබ් සංස්කෘතියට නෑකම් කියන ඒවා ප්‍රසිද්ධියේ ඇසියහැකිදැයි ප්‍රශ්නයකි.
කෙනෙක් මෙය අතිශෝක්තියකින් ඉද්දීපනය කරනවා යැයි කීමට හැකිය.
තවෙකෙක් ඒක කොළුකම යැයි කියනුඇත.

දන්සැල් හොදය,
දෙන්නන්වාලේ දන්සල් දීම ඵල රහිතය.
ඒ අතරේ මේ අයුරින් නොගැලපෙන
ඔල්මොරොංදං වැඩද කරති.
එය වැරැද්දකට වඩා නොදැනුවත්කමක් ලෙස මම දකිමි.

ප්‍රසිද්ධ හා පෙනෙන පින්කම් කිරීමට
මෙකල ලොකු කුඩා බොහෝ උදවිය වැඩි උනන්දුවක් දක්වති.
දන්සලේ හෝ දානයේ නියමිත අරුත බැහැරකරමින් හෝ නොතකමින් කෙරෙන්නා වූ මේ දන්සල්
ගුණයනට වඩා අගුණ වැඩිදෝ යැයි හැගේ

Satisfaction

Genetal argument in non scientific motivational ideology is
There is no point,
What ever you give you cannot satisfy them.
This is conveyed to management as well
So there is no point in supplying with rquirements since those will increase,
But the satisfaction levels wont reach.

Funny thing is that, they talk about
Continious improvement
As an important aspect and easy impose on others.

If people can be satisfied
Then there wont be any thing to Talk about continival  improvement

මහගෙදර

ගොම්මන පසුවූ රාත්‍රියේ,
ගඩොල් අදින කතක් දිටිමි.
තම සෙවන තනන්නට වෙහෙසෙන ඈ,
අතීතය මතකයට ගෙන ආවාය.

පෙර දවසැ, මහගෙදර ගොඩනගන කල්හිද එය එසේමවිය.
මහ ගෙදර කීවද එහි සාම්‍ප්‍රදායික මහගෙදරක සිරි නොතිබිණි,
ඒ හැගීම අදටත් එසේමය.

මහරැයේ රැගෙන එන ගඩොල් බෑම,
ගෙපොලට ගෙන ඒම අප අතින් සිදුවිය.
වැවිමනත් කාර්යය සිදුවූයේ මව් හා පියාගෙනි.
මෙය ගල්, වැලි, සිමෙන්ති දක්වා විහිදි ගියේය.
බොහෝ ගඩොල් හි අප හතර දෙනාගේම අත් පාරවල් තිබේ, නැතහොත් සෑම ගඩොලකම අප ගෙන් එකෙකු ගේ අත් සටහන් අනිවාර්යය.

අතිශෝක්‍තියක් නූනත් එකල්හි අප විසූ පැරැණි ගෙය,
අධ්‍යාපන සුරපුරයක් විය.
අධ්‍යාපන කටයුතු සදහා පැමිණි සිසු සිසුවියෝ බොහෝවිය.
ඔවුන්ගේ කරමතින්ද ගඩොල් සැපත් විණි.
හිතවතුන් හා නෑයින්ද අමතක කල නොහැක.
මුදලින් මැනිය නොහැකි ශ්‍රම දායකත්වයක් එහි අන්තර්ගතය.

මුදල් යොදා කලමණා එක්කර තැනූවත්
එහි පදනම,
මව්ගේත පියාගේත් දහඩිය, කදුළු හා ලේ ද හිතවතුන්ගේ ශ්‍රමයද වේ.

එකදහස් නමසිය අසූ හතරේදී උළු ටිකක් මිළට ගෙන ආරම්භ කල ගොඩනැගීම තවත් අවසන්ව නැත,
කිසිදා අවසන් නොවනු ඇත.
කාලාන්තරයක් ජනෙල් දොරවල් නොවූ එය වචනයේ පරිසමාර්ථ අර්ථයෙන්ම නිවහනක් විය.
නිවහන වන් වූ තැනක් මේ තුන් ලොවෙහිම නොමැත.
ඔබ සැමට පින්!

කච්චිය

රෙදි කච්චිය පිච්චියට ගියත් බල්ල හෙළුවෙන්,
මේක මට ඇහෙන්නෙ 2011 හෝ 2012  වසරේදී, දුර ඈත වැඩබිමකදීය.
අවස්තාසම්භන්ධය අමතකය, පිරුළ දිගහැරීමද මින් නොකෙරේ,
කතාව කියූ කෙනා පමණක් මතකයට නැගිනි.
ඔහු ප්‍රනාන්දු මහතාය,
ආදරයට අපි කීවේ  ‍මෑඩ් "MAD" කියාය,
හෙතුව නම M. A. D. ප්‍රනාන්දු වීමයි.
මාගේ සීයා කෙනෙක් ගේ වයසේ වූ ඔහු අප සමග ඉතා කුළුපගව කටයුතු කලේය.
කතා කියන්නට ඔහු රුසියෙකි.
විවිධ ඉසව් ඔස්සේ කතා කී වද,
අපගේ හිත් ගත්තේ පොඩි නරක වචනයක් දෙකක් සහිත රස කතාය.
ඒ අතර ජීවිතයට අවැසි බොහෝ උපදෙස් කරුණු කාරණා ඔහු සැම විටම ලබා දුන්නේය.
කලින් නින්දට යන මෑඩ්, මහා පාන්දර අවදිවේ, එය කුඩා කල සිටම තිබූ පුරුද්දක් බව හේ පැවසීය.
මේනිසා අප සැම උදෑසන අවදිකරන සීනුව ඔහුය, උදයේම දොරට පයින් ගසා කෑගසන්නේ අප අවදි කිරීමටය.
ඒ ඝෝෂාව සමග අප අවදිවන්නේ කුණුහරුප ගොන්නක්ද සමගිනි.
එකල බොහෝ සුන්දර මතක සටහන් තවමත් ඉතිරිව ඇත.
රාජකාරිය වෙනුවෙන් එහිරැදී සිටියද රාජකාරි වෙලාවේද නවාතැනේදිද වෙනසක් නොවීය, රාජකාරිය ජීවිතය විය, ප්‍රනාන්දු මහත්තයා එහි රස ගගුලකි.
තවත් කතා පසුවට!

වැ

යාන්තමින් හිරු කිරණ දිස් වූවා පමණි,
මදකින් අහස එල්ලා වැටිනි,
වැහිකළුවකින හාත්පසම වෙලා ගැනිණි,
වැඩිත් නැති අඩුත් නැති හීන් පොදයක් දසත විසිරිණි,

වැස්ස,
හිතුමතේ වහීවි,
හිමිදිරියේ කිමද මේ හිරිකඩ?
පොඩිඑකා තෙමේවි,
පින්නට එය වගක් නැත.
ඔහෙ හිටු!
පොඩිඑකා පන්තියට යනතුරු.

අ

සිතට එන මුල්ම හිතළුව මුල්කර
රචනය පටන් ගෙන
ඒ වස්තු බීජය මත නිර්මාණය විකාශනය වේ.
විකාශනයේදී සමහර විට බලාපොරොත්තු නොවූ හැරවුම් ලක්ෂ මුණගැසේ.
රචනය හරබර කර ගැනීමට එහෙන් මෙහෙන් වචන දැමීමෙන් මූලික අර්ථයට හානියක් විය හැක.
එබැවින් සරල සුගම ලෙස ලිවීම සාක්ෂාත් කීරීමට පෙළැඹෙමි.
මාගේ මූලිකම අරමුණ වන්නේ
හිතේ ඇති අදහස වැමෑරිමයි.
ගගක් අලංකෘත වන්නේ ගල් කදු අතරින්
හැපෙමින් කිරිපැහැ පෙන විසිරුවමින් ගලනවිටයි.
එය වෙනස් කර අමුණක් බැදිවිට එහි අරුතක් නැත. එය ගගේ ස්වභාවික
රසය සොයන පාඨකයාට කරන අසාධාරණයකි.
අමුණ බැදීමෙන් වෙනත් ඉසව්වක් දෙසට හා ගැඹුරු, නිශ්චල ලීලාවකින් එය සැරසිය හැකිය.
එහෙත් මාගේ රචන එසේ නොවේ, ඒවා නිකැලැල්ව අමුවෙන්ම එලියට විසිකරමි.
වැදගත් යමක් ඇත්නම්, අවැයි ඇත්තෝ අහුලා ගනිත්වා!

work life balance

Choose a job,
has work you like.
do the job,
like there is no other.
like the job,
you do for living. make the job,
there's friends in it.
bond the job,
where family lives.
excel in job,
to it inspires.
live the job,
like its you life.

Meadow

I see no way out

where ever I see out

I guess I m lost !

In the plane meadow,

thin line between

horizon!!!

visible but blur

whats beyond horizon?

another horizon I guess,

so the horizon continues?

guess not

I m being fooled by myself

its only the grass meadow. 

and the sky

 

what defined horizon? 

sky or meadow? 

does sky and meadow meet? 

is it an illusion? 

guess it is a trap 

I see no depth, width or length

I guess i m moving 

no definite measure, 

only a feeling 

 

I guess i m lost

why i m lost? 

is there a destination?  

I don't know 

if there is no destination, 

how can I be lost? 

Being lost is also an illusion? 

is it? 

I guess it is

horizon never reaches

And distance passed on the way

 

There is only a current location 

and present moment!!!

පොඩි කතාවක්

ඔන්න පොඩි කතාවක් මතක් උනා
නව නිර්මාණ තරගයකට පිස්සන් කොටුවෙන් නවීන මීකතුරක් ඉදිරිපත් කර තිබුනා.
එහි විශේෂත්වය වන්නේ මීයා ඇල්ලීමට කිසිම යානත්‍රනයක් නොතිබීමයි.
ලීයකට ඇණ දෙකක් ගසා ඒ ඇණ අතර සිහින් තන්තුවක් හොදින් ඇද ඇත.
තන්තුවෙන් එක් පසක කුඩා දීසි දෙකක් තබා එකක මස්ද අනෙකේ මාළු ද තිබිණ.
ක්‍රියාකාරීත්වය:
කෑම සොයා එන මීයා තන්තුව අසල නැවතී මස් ද මාළුද කන්නේ කියා දෙපස බලනුඇත.
මස්ද, මාළුද; මස්ද, මාළුද
කීපවරක් මෙසේ තෝරන විට මුවහත් තන්තුවට බෙල්ල කැපී මීයා මියයයි.
හුරේ කොහොමද වැඩේ!!!
ඊට එපිටින් තවත් ඒ වර්ගයේම මීකතුරක් විය,
එහි විශේෂත්වය වූයේ කුඩා දීසි දෙකේ කිසිවක් නිවීමයි.
ක්‍රියාකාරීත්වය:
කෑම සොයා එන මීයා තන්තුව අසල නැවතී මස් ද මාළුද තියෙන්නේ කියා දෙපස බලනුඇත.
මස්ද නැත, මාළුද නැත; මස්ද නැත, මාළුද නැත
කීපවරක් මෙසේ විමතියෙන් බලන විට මුවහත් තන්තුවට බෙල්ල කැපී මීයා මියයයි.
හුරේ! හුරේ!! හුරේ!!!
දෙවරම මීයා අසුවීඇත
අටවන්නා තවතවත් ලෝබකමකින් කුම්මැහිවී ඇත.
Cooperate story

රැව්ල

"හානේ, මෙන්න රැව්ලත් ඇවිල්ලා!!!"
කාලයකට පසු හමුවුන නෑදෑ පරපුර දැලි රැව්ල ගැන මුල් ම අදහස් දැක්වූ අයුරුයි.
කරදඩු ඉස්සීගෙන එන මුල් තරුණ අවදියේ රැව්ල මතුවීම අනිවාර්ය වේ, එසේ නූනොත තමා ප්‍රශ්නය.
රැව්ල පිරිමිකමේ ලක්ෂණයක් ලෙස සැලකීමට සමහරු පුරුදුව සිටියහ.
මුලින්ම රැව්ල කැපූහැටි මට මතකය,
අම්මා රැව්ල කපන්න එපා කියා අඩි පොළවෙ ගැසුවාය.
තත්තා කිසිවක් නොකියා කැපීමට උදව් දුනි.
කැපූවිට මූණ නෑඹිලියක සිරි ගත් හෙඉන් උසුළුවිසුළු වලට ලක්වුවද,
රැව්ල කැපීම මහා ඉදිරිපිම්මකි.
උදේම,හෝ වැඩකට යාමට සැරසෙන විට
රැව්ල කැපීම හිසරදයකි, අල්ලාගත් කොටිවලිගය අතහැරිය නොහැක.
අම්මා කීදේ තේරෙන්නෙ බොහෝ ප්‍රමාදවීය.
කාලයෙන් කාලයට විවිධාකාර රැව්ල්  කැපීමේ ක්‍රම විවිධ නම් වලින් ප්‍රචලිත වේ.
Ponting cut එහෙව් එකකි,
දැන් කොල්ලො කපන cut මොනවාදයි හදුනා ගැනීම පවා දුශ්කරවේ.
රැව්ල කැපීම දැන් විලාසිතාවන් වී හමාරය. කොණ්ඩයට ගැහැණුන් කරන දේට වඩා වැඩි යමක් මුන් රැව්ලට කරත්.

කිසිදා රැව්ල කැපීමට කරණවෑමියෙක් ගේ සහයක් ලබා නොගත් මම, අපහසුවෙන් හෝ පොඩි cut එකක් කපාගතිමි.
දැන් දැන් රැව්ල කෙසේහෝ මුඩුකර ගන්නේ කළු කෙස් පරයා සුදුකෙස් වැඩිවී යන නිසාය.

ප්‍රෞඩත්වයේ සංකේතයක් වන රැව්,
කෙතරම් වැදගත්දැයි " රැව්ල හා කැද දෙකම බේරාගැනීම" යන ආප්තෝපදේශයෙන් මොනවට පැහැදිලිවේ.
හොදින් රැව්ල ඇතිනම් කැද පෙරා බොන්න භාවිතා කලහැකිය.
රැව්ල කපන්නේ දැලිපිහියෙනි, ඒ ඉස්සරය,
දැන් බොහෝදෙනා රේසර් භාවිතා කරති.
දැලිපිහිය අභාවයට ගොස්ය, නමුත් කර්ණවෑමල්මියෝ තවමත් එහි ඇලී සිටී.
රැව්ල කැපීම ගැන කතා කලත් දැන් රැව්ල ගැලවීමද සිදුවේ,
රැව්ල ගලවන්නෝ ගැහැණුය,
දැන් පිරිමිද රැව්ල ගලවති,
අනේ අනිච්ච්ං!