පිනි

ගොම්මන කලින්ම ඇවිත්
ගහකොල හදිසියේම නිසොල්මනේ
කුණාටුවක පෙරනිමිති දෝ

සීතල සුළං රැලි ගත සනසා
සිත් පිනවා හමා ගියා
සර සර ගා එක සැරේම කොල සැලුනා

සුලන් හමා ගස් නැමුනා
බිංදු බිංදු ඇදහැලුණා
මහවැස්සක් ජනිත උනා

මුළු අහසම වලා වැසී
හාත් පසම අදුරු වැසී
දෝරෙගලා වැස්ස වසී

සැම තැනක්ම එළිය වැටෙයි
ඇස්ගෙඩි දෙක නිලංකාර වෙයි
රිදී ඉරෙන් අකුණු ගසයි

දෙවනත් කර යාය පුරා
කන් පලමින් හෙණ පුපුරා
බිය වද්දයි රෑන් පුරා

මහ වැස්සෙන් බේරෙන්නට
සොයා ගියා ගහක් යටට
වැහි දෙකකින් තෙමුනා හොදට

පායා ආ සද පිටමං උනා පියස්සෙන් එපිට
ඝණාදුරේ දොළපාරේ පියමැන්නා හනිකට
පය පැටළුනා සද පානත් නෑ තනියට

ගොඩවන විට ගෙයි ඇතුලට
දොර තදින් තදවී උළුවස්සට
එලියේ බූරු ඇදයි මගෙ පිහිටට!