තුරුලේ මා දූ උණුසුමට නිදී
හද පතුලෙන් ආදරගංගා නදී
කෙදිනකවත් අතැර යන්න නොදී
දෑත බදා තුරුලේ හොවා හිදී
ඉදහිට එන සිනා කැකුළු පොඩී
මන් මත් කරයි දූ පැටියා පොඩී
ඇහැරුනහොත් හප්පා බිමට අඩී
දෙවනත් කරයි පැලෙන්න කන් අඩී
අතේ ඉන්න හාපැටියා දොයියනවා
අඩවන් ඇස් ටික ටික පියවෙනවා
හිරිවැටිලා අත ටික ටික පිච්චෙනවා
සිනහව දැකලා ඔක්කොම හරියනවා
පොඩ්ඩ පොඩ්ඩ ලොකුවෙනවා දූ මාගේ
සැරෙන් සැරේ හිනැහෙනවා හරිම අගේ
වෙන්න වෙන්න ලොකු දූ පැටියා මාගේ
ඇවිද යන්න නිවැරදිම මග දිගේ
No comments:
Post a Comment