කටුසටහන

හිතට එන හිතූ හිතූ දේ ලියන්න ගිහින් ඇන ගනීවිද කියලත් හිතෙනව.
ඒත් සමහර දේ නොකියාම බෑ. ටික කාලයක් මහත් ආයාසයකින් ඇද කුද පෙනෙන දේ විග්‍රහ නොකර හිටිය බඩ ගෝස්තරය රැකගත යුතු නිසා. ඒත් ලගදි සිද්ද වුනු ග්‍රහ මාරුවෙන් කටට ඉබ්බෙක් දාගන්න වෙයි කියලයි මට හිතෙන්නෙ, ඒත් හිතට එන එක වහෙන් ඔරෝ හරි ලියන්න තීරණය කලා.
වැඩිය දීර්ඝ සටහන් නොතැබීමට උත්සාහ නොකරන්නේ මේ වල් පල් ලිවීමට මාගේ කාලය මෙන්ම පාඨකයාගේ කාලයද අපතේ යන බැවිනි .
ඔහෙ පලයන් දැන් මට පාඨකයින් ඉන්නවාදැයි යමෙක් අසන්නට පුළුවන්.
මීට කලින් දාල තිබුනු සටහනට ලයික් හත අටක් ලැබූ නිසා පාඨකයින් කෙසේවෙතත් යටත්පිරිසෙන් ලියනදේ කියවීමට පිරිසක් මා සතුවැසිටී.
තව සටහන් ඉදිරියට!

කිකිළි

දොයිය මතට පොර කිකිළී
අම්මලගදි හොර කිකිළී
කොමළ පාන ගිනි කිකිළී
හිනාවෙනව රන් කිකිළී

කෙලී

පුංචි අක්බඹරු
සුළිරැල් මිටක්
සිනිදු සුමුදු
කෙස් පිඩක්
ඉපිටින් ඉගිල්ලී

ඉටිරුවක් වන් වතේ
සිගිති සිනහ කැටියක්
එල්ලිලා කට කොනේ
එහෙත් ටිකකට කලින්
මව සොයා හැඩූ සුසුම්
හිරවෙලා තොල අගේ

අත පයත් ගුලිවෙලා
අහස් ගිගුම් සද්දෙට
කිසිම් ගානක් නැති විලස
කෙලිපොඩී
හොද නිදී

මල

මෝරණ පොඩි කැකුළු මල
තෝරා බේරා පාදාගෙන
සෝදා පිරිසිදු කර සුවද දියෙන් මල
ගල්වා බෙහෙත් හොදහැටි පදම දැන
නොතැළුණු මලේ පැණිනම් රහක් නැත

පළසක්

තරු පළස අතුරා
ඉමක් කොනක් නොපෙනෙන
තැනින් තැන අදුරු ලප
ජනාවාසයන් නොදිළෙන

රූ රටා සිත්තම්
දිදුලයි බුබුළු නිමැවුම්
නෙක තරු රටා ගෙත්තම්
මිලානෝ නුවර මනරම්

හිරු අවරට ගිය විගසින්
අහස් තරු වියන පරයා
කඩා හැළුණු තාරකා
දැල්වෙත් එකළුකළමින්

දාහයෙන් මුසපත්ව
පීඩා විදි වැසියෝ
හුන් තැනින් නැගිට ඇත
තරු වියනට ඉඩදී

උඩු ගුවන් සිසාරා
ගුවනින් සක්මනට
තරු පළසේ එළිය මිස
දැවෙන සිත් නොපෙනේය.

ඈතින් ඈතට උඩු ගුවනට
මදින් මද ටිකෙන් ටික
කෙමෙන් වියැකී ගිය
තරු පළසේ කාන්තිය

තරු පළස එසේමයි
වේදනා එමටයි
ඔය ඔහොම ඉන්නයි
නැවත හමුවෙන්නයි

වැස්ස

කෙමෙන් කෙමෙන්
මද අදුර ගලන
අහස කළු කර
මිලානෝ වැස්ස

කිටි කිටි ගැසෙන
සීතලට  කටෙන් දුම් දමා
පින්නට අසුනොවී
මග එපිට පනින්නට පෙර

අහසට මදක් පහලින්
උස්සා ඇති උස් පනේල
අතරින් නෙක දැකුම්කළු
රූරටා මවා මනරම්ය

සීතලේ අත් අල්ලා
කෙලිදෙලෙන් දිවයන්න
ඔබ නොමැති මා ලගින්
හැරයන්න මා

මිලානෝ වැස්ස

කොට

හයේ හතරෙ මහ තඩි බුරුත කොට
බදා දමා මහ හයියෙන් ඉරන කොට
වීණා වැයුම් තාලය හා මුසුවු විට
ගීතය ගෙරවිල්ලට යටපත් උනා මට

වේදනා

ඉහිරුණු කිරි
පොගවා ගත් මෙන්
නුඹෙ වේදනාව
තෙතමාත්තුකර
ගන්නට හැකිනම්