කලකට වැසි වසීවි
වැසිසුලං කුණාටුවකට පෙරැළී,
ගහකොළ උදුරාදමා නොනැවතී
බොරදියෙන් වනසාවි;
මහ කළු ගලක් මත සෙවනක් සදන්න
කළු වලාවේ රිදීරේඛාව දකින්න.
ඉනික්බිති ගිම්හාන අව්රශ්මිය පතිතවේවි,
ගිණියම් මිහිකත පය දවාවි
අවසන් දියපොදද අතුරුදන් ව
පිය මැන්ම අත්නොහරින්න
ක්ශේම භූමියේ
සෙවන,
දියපොද
මග බලා සිටිනු ඇත.
කලට වැසිවැටී, නිල් අහස දිලී
වසත් සමය පැමිණ ඇත නෙක වර්ණ මල් පිපී
මල් පිපුණු කටුපඳුරු තැනින් තැන විලිස්සී
පය තබනු සිහියෙන් නොරැවටී ඇති මල් උඩැක්කී.
විලේ නෙළුම් මල් පිපුණු
මඩ තට්ටු පිරි පොකුණු
බලා පෙරමග හොඳ ලකුණු
තෝරා ගනු මිනි කැට පිරුණු
කාලය ගෙවී යයි කිසිවක් නොකියාම
හොඳ නරක දෙක සමසම වෙයි හැමදාම
නුවණින් බලා කල යුතු වෙළෙඳාම
පවුලත් ඔබත් රැක ගෙන හැම මොහොතේම
ආ මග කෙටිය
යායුතු මග දුරය
කටු කොහොලින් පිරි මග දෙපස,
ඉදහිට මුණගැසෙමු
රොන්බී දොඩන්නට.
ඔබට ජයෙන් ජය!!!!
නොනිමි සටහන
No comments:
Post a Comment