අද හරිම වැස්ස
වහලෙ හරි සද්ද
වැසි වැටෙන පැත්ත
බෙරි වෙච්ච බැද්ද
පාන්දර වෙච්ච
ලයිට් නෑ අන්න
සීතලේ බෑ ඔන්න
අද හරිම වැස්ස
මට නං බෑ යන්න
ගියෝතින් ඔන්න
තෙමෙයි මං මෙන්න
එලාම් එක ඉන්න
තවත් නිදි යන්න
උදව්වක් වෙන්න
අද හරිම වැස්ස
වැඩක් නැහැ වෙන්න
පැලේ නැගිටින්න
දඟලනව අර අන්න
මටත් බැහැ ඉන්න
ඇහැක් පියා ගන්න
පිනක් කොහි ඇද්ද
අද හරිම වැස්ස
අඳුරුයි හැම පැත්ත
නොකර පොඩි සද්ද
උණුසුම් රෙද්ද
ලා ඇඳ මැද්ද
ගොරවා හුලං ඇද්ද
හැරුනා අනිත් පැත්ත
අද හරිම වැස්ස
Scroll up
Scroll down
අතරේ අතරමං වූ ජීවිත,
ආශ්වාස ප්‍රශ්වාස
අමතක කර,
උණුහුම සොයා
පොරෝනා පළඳවා
තුටු සිතින්
Screen නිවා දමා
තද නින්දට වැටී
ආශ්වාදය පමණක්
ඉතිරිවැ
ජීවිතය wire කොනෙක
රැඳි signal කනුවක්
පමණි අද.
අමාවකට සඳ වගෙයිනෙ
මට පෙනෙන්නෙ නෑ වගෙයිනෙ
හැම තැනකම අඳුරුයිනෙ
ලඟ හිටියත් නැහැ දැනෙන්නෙ
පුරඅටවක එළැඹෙන්නේ
සඳ ටික ටික හැඩ වෙන්නේ
අදුරු වලා පැමිණෙන්නේ
වේලහිනින් නිදියන්නේ
පසලොස්වක සඳ පායාලා
සැමඅඳුරම පහකරලා
සුදෝසුදින් පාට වෙලා
මුළු ලෝකෙම එළිය වෙලා
රෑකුමාරි මල් නෙලන්න
සඳත් එක්ක ඇවිද යන්න
බැහැනොවැ පෝදා කරන්න
මුළු කැලේම සිල් අරන්න
අව අටවක සඳ වැන්නේ
පල්ලම් බැසගෙන යන්නේ
දවාලටයි පායන්නේ
සඳ නැහැ ගෙපැලට එන්නේ
චන්ද්‍රමාස කැරකෙන්නේ
දින විසිඅටකුත් වෙන්නේ
ටික ටික කළුවර වෙන්නේ
අමාවකයි එලැඹෙන්නේ
