සිංහබා

සිංහයා දුටු
පිරිස
ඒ තුල සිටි
දයාබර පියා
නුදුටීද?

හඬගා කතාකල
සිය දියණිට
ඇසුනේ ගෙරවුමකි
දනන් හට

යොදා මුගුරු
මරා දමා
නිහඬ කල
පිය සෙනෙහස

සෙවන

පොඩි පැලවලට
සෙවන දුන්
මහ රූස්ස
ගසක් වීනම්

පොඩි පැලවලට
නියන් කල
ජල බිදක් දුන්
වැස්ස වීනම්

පොඩි පැලවලට
රෑ තනියට
එළිය දුන්
සදක් වීනම්

පොඩි පැලවලට
රදන්නට හැකි
බුරුල් පස වූ
පොළොව වීනම්

පොඩි පැලවලට
ආලොකය වී
ජීවදුන්
හිරු වීනම්

පොඩි පැලවලට
හැඩිදැඩි ව වැඩෙන්නට
දිය දහර දුන්
ගගක් වීනම්

මේ සියල්ලට
එපිට
යමෙක්
වීනම්

ඒ
තාත්තා
නම් විය

මග

උයන් මග
රූස්ස ගස්
සෙවන යට
යට ගිය
දවසක
උරෙනුර නොගැටී
ගොළුබෙලි ගමනින්
සිනාසිසී
ඇවිද ගිය
ප්‍රේමනීය
හැන්දෑව.

ඔබ මගේම
අපි අපේම
වූ පසු
සෑමදා එන සැදෑව
ඒ හැන්දෑව ම
නොවනන වග
සිහිකල
කාලයේ වැල්ලේ
සැගව ගිය
සොඳුරු මතක !

1000

මෙහෙසියන් දහසක් අතරේ
අගමෙහෙසියවුව
දහසක් අතරේ
තවත් එක් මෙහෙසියකි!!!

සුළන්

සුමුදු දෙපා
පියගැටපෙළ සිඹ
පානගනා

ගවුම් පොඩි
සිසිල් සුළගට
විසිරුනා!

අම්මා

වත්තන් කරන්
දරු පැටවුන්
කඩ පිලේ කොනක
රවටමින් උන්
කඩ චෝරු හංගමින්

ඇකයේ එකෙක්
කිරිබොත්
අතේ  එල්ලී
අනෙකා
කොළුපැටවා
පැන පැන
එහෙමෙහෙ
දිව්වත්

පොඩි පොඩි
රණ්ඩු සරුවල්
කඩ පිලේ
සැම තැනම
සිනා මල්

I

I...
I
Don´t
Know,
Who
I
Am
Any
More!